Yan sanda a ƙasar Turkiyya sun gano baƙin haure 30 da aka ɓoye a cikin wata tankar mai a kudu maso gabashin ƙasar, kusa da iyakar Iran.
Rahotanni sun bayyana cewa jami’an tsaro sun ceto baƙin hauren ne a lardin Bitlis, bayan sun tsayar da tankar domin gudanar da bincike.
Wani bidiyo da ’yan sanda suka wallafa ya nuna yadda ake fito da mutanen daga wata ƙaramar kofa da ke saman tankar.
’Yan sandan sun kama wani mutum da ake zargi da shirya safarar mutanen ba bisa ƙa’ida ba. A halin yanzu kuma, ana shirin mayar da baƙin hauren zuwa ƙasashensu.